صديقنا .
المنتدى بدو رعاية و اهتمام هالشي أكيد صحيح , و صدقني ما بتحتاج بالبداية لأكتر من شخص أو شخصين
يحملوا على عاتقن المنتدى من بابو لمحرابو بالجانب التقني و جانب المواضيع و المشاركات .
لما أصحاب المنتدى رح يهملوه لا تتوقع من الناس يهتموا فيه , المنتدى لازم يحبّ حالو بالبداية حتى الناس تحبوا
ما عم إحكيك فلسفة أو عظات إنما كل كلامي من تجربة شخصية .
غير هيك هالمنتدى اللي منشكركن عليه هو تابع لمكان أكاديمي اللي هو كلية الاقتصاد , بالتالي من اليسير جدا ً
إنك تساوي إعلان بالكلية لحتى الطلاب المتعطشين لمنتدى خاص فينا إنو يشوفوه و يتقاطبوا عليه , بالإضافة للإشهار
بمحركات البحث و المواقع الخاصة و هي شغلتك و إنت لازم تكون أدرى فيها .,
هي الفترة أغلب الطلاب بيحاولوا يبحثوا عن علاماتن على الإنترنت , فيك تستغل هالناحية و تحاول تأمّن العلامات
بأي طريقة , إن ما تعاونوا معك إدارة الكلية و هادا الشي اللي برجحو , ممكن تحاول تصوّر لوحات الإعلان اللي عليها
النتائج و توضع الصور هو و بآلية معينة بتجذب تسجيل الأعضاء عن طريق إخفاء الروابط .. بأي حال هالشي أنسب للفصل التاني و التالت
باعتبار أغلب النتائج صدرت هالفصل .
الأهم من كل الكلام السابق المنتدى بيأثر بالناس بمضمونو و نحنا شباب جامعيين و قادرين نحقق غايتنا بمعرفة اختيار المواضيع
اللي بتلامس البشر . الموضوع أكيد مو سهل و بدو تعب لكن مانو مستحيل أو مستعصي و إنتوا ما شا الله شفت
إنو تعبانين بالتقسيم المقبول و بالشكل الجيد لهيك لازم تبدؤوا بالاهتمام من تلقاء نفسكن و لا تلقوا هالشي على عتبات
الآخرين ..
بتمنى ما يبين كلامي توجيهي أو تعليمي , الغرض الأساسي هو المساعدة اللي على استعداد لتقديما من القلب
لمنتدى كلية الاقتصاد العزيزة بطلابا علينا .. المنتدى اللي المفترض يكون دعم إلنا و لــ اللي بعدنا نخلّي كلمتنــــــا
تعلى و تقوى هون , و نعطي كينونة لطلاب اقتصاد تشرين , الوحيدون بلا هويّة على الشبكة العنكبوتيـة !
هالمنتدى ما لازم يلاقي مصير المواقع السابقة للكية اللي كان الفشل على دربا و للأسف .
- لكم احترامي و ودّي .. زملاء .
الأحد يوليو 06, 2014 6:50 pm من طرف salarino
موضوع: برنامج الدوام السنة الرابعة 
